Чешката компанија Škoda го објави тизерот за новиот модел на автомобил чијшто концепт е развиен од студенти.
Се работи за радикално поинакво возило во однос на минатогодишниот off-road pickup базиран на Kodiaq наречен Mountiaq. Ова е уште еден уникатен модел кој е базиран на моделот Scala.
Како што може да се види на скицата, се забележуваат очигледни промени, недостасуваат предните врати и седишта, како и кровот.
Во проектот учестуваа 20 студенти кои работеа на новиот автомобил неколку месеци.
Го отстранија кровот и го редизајнираа задниот дел на автомобилот за да добијат елегантна каросерија. Задниот дел на автомобилот наликува на Porsche 911 Speedster.
Автомобилот ќе биде претставен во јуни.