Конечно е објавен првиот тизер трејлер за новиот документарец за легендарната пејачка Тина Тарнер, насловен едноставно „Tina“.
Филмот, чија премиера ќе биде на 27 март, беше најавен на Канскиот филмски фестивал во 2018 година. Документарецот ги следи животот и кариерата на пејачката од нејзиниот ран успех во раните 60-ти до 80-тите, кога стана легенда на музичката сцена.
Во документарниот филм учествуваат самата Тарнер, Анџела Басет, Опра Винфри, Курт Лаудер, Катори Хол и сопругот на пејачката, Ервин Бах, а помеѓу разговорите има архивски снимки што досега не биле видени во јавноста, како и лични фотографии и аудиозаписи.
Документарецот во продукција на HBO го режираа Дан Линдзи и Ти Џеј Мартин.
