Мајкл Пит и Рон Перлман се ѕвездите на „Run With The Hunted“, чиј прв трејлер беше објавен неделава.
Приказната се врти околу Оскар (Пит) кој како дете ќе го убие таткото на неговата најдобра другарка Лукс бидејќи ја малтретира. Потоа бега од дома и го губи правецот во животот. Наоѓа прибежиште кај едно проширено семејство криминалци кои го асимилираат на нивниот начин на живот.
Петнаесет години подоцна тој станува лидер на нова група деца деликвенти, но можноста за повторна средба со Лукс можеби ќе го тргне од тој деструктивен пат и ќе му даде нов правец.
Останатите улоги ги играат Марк Бун Џуниор, Дри Хемингвеј, Исаја Витлок Џуниор, Сем Квартин и Вилијам Форсајт.
Филмот се снимаше во 2018 година во Тулса, Оклахома и ја доби наградата Best Narrative Feature на Woodstock Film Festival во 2019 година.
Сценариото и режијата се на Џон Сваб, а филмот ќе има официјална премиера на 26 јуни.
