Едвај чекате јагоди, праски и цреши? Можеби ќе размислите двапати пред да побрзате да ги купите.
Стигна оној период од годината кога непрофитната Environmental Working Group ги објавува своите годишни листи Dirty Dozen и Clean Fifteen користејќи податоци од американското Министерство за земјоделство и Управата за храна и лекови на САД.
Станува збор за листи кои ги откриваат „највалканите“ и „најчистите“ овошја и зеленчуци, односно оние кои се најмногу и најмалку загадени со пестициди.
За жал, јагодите сè уште се на врвот на листата, а по нив е зелениот листест зеленчук. Еве ја целосната листа Dirty Dozens за 2023:
јагоди
спанаќ
кељ, раштан и синап
праски
круши
нектарини
јаболка
грозје
лути пиперки
цреши
боровинки
боранија
Во споредба со минатата година, целерот и доматите исчезнаа од списокот, но беа вклучени боровинките и боранијата.
Од друга страна, еве што има на списокот Clean Fifteen:
- авокадо
- слатка пченка
- ананас
- лук
- папаја
- сладок грашок
- аспарагус
- диња
- киви
- зелка
- печурки
- манго
- сладок компир
- лубеница
- морков
Податоците за оваа година вклучуваат резултати од речиси 46.569 примероци од 46 видови овошје и зеленчук. Пестицидите се поврзани со бројни здравствени проблеми. Тие влијаат на развојот на мозокот, како и на плодноста, пишува CNN.
