Кралицата Елизабета Втора беше погребана минатиот понеделник, а нејзиното семејство ја објави и првата фотографија од нејзиното вечно почивалиште во Виндзор.
На фотографијата објавена на официјалниот профил на кралското семејство се гледа надгробна плоча од црн белгиски мермер со името на Елизабета, веднаш по имињата на нејзините родители Џорџ Шести и Елизабета. Исто така, тука е името на нејзиниот сопруг, принц Филип.
Плочата се наоѓа во меморијалната капела каде се погребани сите четири члена на кралското семејство. На истото место се наоѓа и пепелот на принцезата Маргарета, иако нејзиното име не е на плочата.
Местото на вечното почивалиште на кралицата за посетители ќе биде отворено на 29 септември, каде што ќе може да се оддаде почит во кој било период од денот додека капелата е отворена за јавност.