Американската исхрана е богата со шеќери, но земјата не е меѓу 50-те најлоши кога станува збор за стапката на дијабетес.
Според статистичките податоци на Our World In Data, користејќи податоци од Меѓународната федерација за дијабетес (IDF), го анализираа процентот на луѓе со дијабетес на возраст меѓу 20 и 79 години во 211 земји.
Пакистан е на врвот на листата, со околу 31 процент од населението кои ја имаат оваа состојба, а потоа следат Француска Полинезија, група острови во Јужниот Пацифик (25,2 проценти) и Кувајт (24,9 проценти).
И покрај исхраната богата со цели зрна, јогурт, овошје и зеленчук, истражувањата покажаа дека луѓето во Пакистан и други земји низ Блискиот Исток и Јужна Азија се генетски поотпорни на инсулин, што ја зголемува веројатноста за развој на дијабетес.
Соединетите Американски Држави го зазедоа 59. место на рангирањето. Преваленцата за Македонија е 6,10% (исто како Виетнам и Финска), што ја става земјава на 143. место. Босна и Херцеговина е на 76. место (9,10%), потоа Србија на 77 место (9,10%) и Црна Гора на 81 место (9,10%).
Унгарија е рангирана на 115-то место (7%), Италија на 134-то (6,40%), Словенија на 148-то (5,80%), додека Хрватска на 178-то место (4,80%).
Дијабетесот е хронична состојба која влијае на тоа како телото ја претвора храната во енергија. Кога таа функционира нормално, телото ја разградува храната во гликоза, еден вид шеќер, и ја ослободува во крвотокот. Ова го зголемува шеќерот во крвта, што го поттикнува панкреасот да ослободува инсулин. Меѓутоа, кај дијабетес, телото не произведува доволно инсулин, што предизвикува премногу шеќер во крвта да остане во крвотокот.
Дијабетесот однесе 1,5 милиони животи во 2019 година
Според IDF, 537 милиони возрасни луѓе ширум светот имале дијабетес во 2021 година. Тоа е зголемување за 16 проценти (74 милиони) во споредба со 2019 година. Во светот, повеќе од 90 проценти од луѓето со дијабетес имаат тип 2, кој се развива како резултат на дебелина, лоша исхрана, седентарен начин на живот и семејна историја.
IDF проценува дека еден од десет возрасни луѓе во светот моментално живее со дијабетес. Се предвидува вкупниот број да се зголеми на 643 милиони (11 проценти) до 2030 година и на 783 милиони (12,2 проценти) до 2045 година.
Според Светската здравствена организација, дијабетесот бил најголемата причина за смрт во 2019 година, одземајќи 1,5 милиони животи.
Стапките на дијабетес вртоглаво се зголемуваат во Пакистан. Во 2021 година, 33 милиони возрасни Пакистанци живееле со дијабетес, што е за 70 отсто зголемување од 2019 година, според IDF.
