Популарниот јутјубер Џејк Пол пред неколку дена боксуваше против легендарниот Мајк Тајсон, а сега на социјалните мрежи се појави видео кое покажува колку 58-годишникот „се обидувал“ да го удри својот ривал.
Имено, поранешниот светски шампион и некогаш најопасниот боксер на светот се воздржувал да не го удри јутјуберот, судејќи по краткиот клип објавен на Х.
Тајсон направи финта со левата рака пред Пол да почне да го следи, па беше изложен на удар.
Меѓутоа, Мајк тогаш ја запре раката, па не е чудно што на социјалните мрежи има бројни коментари од обожавателите кои сметаат дека борбата била наместена.
Just incase anyone had doubts... pic.twitter.com/FCXmjg1dTD
— 🅿️®️🚫❌✌🏾 (@proxcee) November 19, 2024
Заедно со коментарите дека Џејк и Мајк направиле некаков договор пред натпреварот, има и прашања зошто Тајсон не го заврши ударот кога Пол веќе заборавил да се заштити.
Да потсетиме дека нивната борба привлече повеќе од 70.000 гледачи на настанот што се одржа на стадионот AT&T во Далас, а милиони фанови ја следеа нивната борба преку малите екрани.
Поранешната ѕвезда на Disney со едногласна одлука по осум рунди го победи Ајрон Мајк, кој имаше катастрофална статистика во удари.