Телевизијата Sky News објави снимка од потенцијален извршител на еден од терористичките напади во Шри Ланка. На снимката се гледа како млад човек со голем ранец на грбот влегува во црква. Во моментот кога влегува во објектот, снимката се прекинува.
Во терористичките напади во Шри Ланка загинаа 310 луѓе, а околу 500 се повредени. Настрадаа во 8 експлозии на католички Велигден во три цркви, три луксузни хотели и еден помал хотел.
Денес е објавено дека масивниот терористички напад е чин на одмазда за нападот во Нов Зеланд, кога на 15 март во Крајстчерч во две џамии беа убиени 50 луѓе.