Еден од најдобрите светски фудбалери, Лео Меси, од четвртокот повеќе не е играч на Барселона поради економски и структурални пречки, објави клубот. На Меси му истече договорот со Барселона и како слободен играч можеше да побара нов клуб, но неговата и желбата на клубот беше да остане во Барса.
Меси дури се согласи и на половина од својата плата и преостана уште Барселона неговиот договор да го усклади, но поради долг поголем од милијарда евра, тоа се покажа невозможно со правилникот на Ла Лига.
И, така дојде до разделба меѓу Меси и Барселона. Штом оваа вест беше објавена, Меси доби понуда од ПСЖ.
Како што пренесуваат француските и шпанските медиуми, Меси наводно им рекол „да“ на челниците на парискиот клуб. Меси кариерата ќе ја продолжи во ПСЖ, пренесе Marca.
Во вторник на 10 август Меси треба да претставен како играч. Протекоа и детали од двегодишниот договор (со опција за трета) според кој треба да има плата од 40 милиони евра по сезона.
