Германскиот невролог Ерих Ридерер соопшти нови детали за здравствената состојба на Ф1 легендата Михаел Шумахер кој беше тешко повреден во 2013 година.
Шумахер доживеа несреќа при скијање на Алпите и во изминативе седум години се појавуваа многу малку и многу скудни информации за здравствената состојба на светски познатиот пилот на Формула 1.
Сега неврологот Ридерер во изјава за италијански Corriere dello Sport конечно подетално ја опиша состојбата на седумкратниот светски шампион.
„Михаел Шумахер е буден, дише, имав убав срцев ритам. Најверојатно може и да седне, дури и да направи некои мали потези, но мислам дека тоа е најмногу што може да направи“, рече тој.
Неврологот смета дека повредите со кои се здоби Шумахер се трајни и „нема реверзибилен процес кој би го довел во состојба како претходно“.
“Тој е во еден вид вегетативна состојба, што значи дека е буден, но не комуницира“, рече германскиот доктор.
