Објавени тизер и датумот за премиера за The Defenders
Три и пол години откако беше најавен, конечно има датум за премиерата на The Defenders со хероите на Marvel што ќе се емитува на Netflix.
Првиот тизер од 15 секунди беше објавен вчера и преку деталите во краткиот клип беше откриен и датумот на премиерата. Во едниот агол од камерата во лифтот, времето запира на “08:18:20:17”, што значи дека хероите Дердевил, Џесика Џонс, Лук Кејџ и Ајрон Фист ќе се обединат на малите екрани на 18 август годинава.