Можеби руската војска не е толку финансирана и опасна како во златното доба на Советскиот сојуз, но земјата успеа да се одржи како релевантен играч преку иницијативи за стратешка одбрана.
Русија можеби ги нема финансиите на САД, но со она што го има води проекти со кои го задржа имиџот на глобален конкурент и местото на масата со големите светски сили како Кина и Велика Британија, и се разбира, САД.
Борбениот авион „Sukhoi Su-57“ е еден од проектите со кои Русија се гордее. Промовиран како најнапредниот руски борбен авион досега, „Su-57“ е моќен предатор за кој неговиот дизајнер вели дека е далеку подобар од американските конкуренти од петтата генерација.
Посебна глетка е да се види овој авион во неговиот „природен хабитат“. Токму затоа ова ретко видео на кое формација од два „Su-57“ авиони лета под транспортен авион AN-12 на 300 метри височина, е толку фасцинантно.
