Незадоволен од изданието на играчите на Јувентус, Кристијано Роналдо урла по нив во соблекувална на полувреме од натпревар во Лигата на шампионите.
Една од главните причини поради кои Роналдо си замина од Јувентус беше некомпетентноста на тимот во Лигата на шампионите, натпреварување кое за Португалецот е најважно од сите клупски натпреварувања.
На видеото Роналдо бесен влегува во совлекувалната и почнува да урла кон соиграчите: „Играме како гомна!“ на италијанско-шпански со португалски акцент.
„Не играме ништо! Ништо! Гомна! Играме како гомна! Секогаш. Вклучително и јас!“, вика разочараниот Роналдо.
„Треба да бидеш пример за сите!“, со прстот вперен кон него му враќа Хуан Куадрадо.
„И јас се вклучувам! Не играме ништо, треба да се каже вистината! Па ова е натпревар од Лигата на шампионите! Треба да се има карактер“, враќа вознемирениот Роналдо.
Потоа дискусијата ја прекинува тренерот Андреа Пирло: „Доста, ајде! Доста Кри, доста Хуан!“.
Сцената е од полувремето од натпреварот Јувентус - Порто, реванш од осминафиналето кој се играше минатата сезона. Името, Порто победи со 2:1 на првиот натпревар, а потоа во Торино успеа на полувреме да замине со водство од 0:1. Затоа Роналдо е бесен, наместо Јуве да ја надокнади негативата, имаше нова негатива. По паузата со двата гола на Кјеза Јувентус дојде до 2:1 и продолженија, во кои двата тима постигнаа уште по еден гол за конечни 3:2 за Јуве, но целокупна победа на Порто поради повеќе голови на гостински терен. Така, Роналдо и „Старата дама“ уште еднаш прерано испаднаа од Лигата на шампионите.
Роналдо летово на крајот од преодниот рок го напушти Јувентус враќајќи се во Манчестер Јунајтед.
