Никој не може да биде целосно подготвен за разорната моќ на една природна катастрофа. Во некои случаи е можна евакуација, но сигурно е дека ништо друго веќе нема да биде исто.
Изминативе денови Јапонија ја погодија низа земјотреси со јачина од 3,2 до 4,8 по Рихтеровата скала, поради што властите и медиумите засилено вршат едукација на населението како да се заштити во случај на поголема катастрофа.
ТВ-мрежата All-Nippon News Network на необичен начин реши да се вклучи во кампањата, објавувајќи досега несподелено видео од страшниот земјотрес со јачина од 9 степени по Рихтер што ја погоди Јапонија во 2011 година и по кој следеше уште поразорно цунами.
Видеото било испратено до редакцијата на телевизијата уште пред девет години, но досега не било објавено.
*Внимание! Содржината на видеото може да ве вознемири
