Триесет и двегодишен жител на Житоше, општина Долнени, објавил експлицитни фотографии на социјалните мрежи од неговата поранешна девојка. Полицијата поднела кривична пријава против И.Ј. (32) од село Житоше, општина Долнени поради сомнение за сторено кривично дело уцена.
Пријавениот, изминатите две години бил во љубовна врска со Џ.А. Откако прекинала врската И.Ј. продолжил да ја бара на мобилниот телфон барајќи да ја обноват врската. Девојката одбивала средба па затоа пријавениот објавил нејзини фотографии со експлицитна содржина на профилот на нејзиниот брат.
Покрај ова,пријавениот го уценувал сопругот на Џ.А. дека ќе престане со објавување фотографии за 1.200 евра. На 14 јуни, бил извршен претрес во во куќата на пријавениот, при што привремено се одземени еден компјутер, мобилен телефон и уред за надворешна меморија со компромитирачки материјали.
