Поради облак од густ чад од вулканот Ла Палма, денеска повторно е затворен аеродромот. Ова е втор пат по ерупцијата на 19 септември, пренесе AFP.
Портпаролот на аеродромот објасни дека мора да се извршат одредени процеси на чистење, а затворањето нема да трае долго.
Во средата навечер локалната авиокомпанија Binter соопшти дека ги откажа сите летови на Ла Палма, остров кој припаѓа на архипелагот на шпански Канарски острови.
„Оваа состојба ќе трае додека условите не се подобрат и додека не бидеме сигурни дека може безбедно да летаме“, порача компанијата преку Twitter.
И од конкурентната CanaryFly известија дека се запрени сите летови.
