Еден од најдобрите светски тенисери на сите времиња, Борис Бекер, се наоѓа во сериозни финансиски проблеми, поради што на аукција планира да ги продаде дури и трофеите кои ги освојуваше.
Со цел нешто да спаси, има намера да учествува во популарното реално шоу „I'm A Celebrity... Get Me Outta Here".
„Неговата финансиска состојба е ужасна и неопходен му е брз начин да се извлече од долговите. Моментално е се уште во фаза на преговори, треба да се договори висината на договорот за негово учество во реалното шоу. Продуцентите мислат дека неговото учество драстично ќе ја крене гледаноста“, наведуваат извори блиски до Бекер.
Бекер од почеток бара 550,000 евра и се чини дека многу лесно може да ги добие.
Меѓутоа, тоа е само мала финансиска поддршка, бидејќи како што се наведува тој должи дури 61 милион евра.