Очекуван потег: Новак не оди во Oлимпиското село, си зеде приватно сместување во Париз

Новак Ѓоковиќ избра приватност за време на Летните олимпискки игри 2024 во Париз. Нема да спие во Олимпиското село.

Тенискиот турнир на Олимписките игри ќе трае од 25 јули до 4 август, а според CLAY tenis, Новак Ѓоковиќ, кој е втор носител во Париз, нема да биде во олимпиското село за време на натпреварувањето.

„Очекуваме Новак да пристигне во следните неколку дена, иако нема да престојува со нас во селото“, изјави за CLAY организаторот на српската делегација. Српскиот тим од 112 спортисти ќе се всели на сите катови на една од зградите во цитаделата лоцирана во северното предградие Сен Дени.

Како причина, споменатиот портал наведува дека српскиот тенисер до таква одлука дошол по поранешните Игри во Токио, каде поради големиот интерес на другите спортисти го загубил фокусот, што на крајот го попречило во походот по олимпиското злато, инаку единствениот трофеј што му недостасува во богатата кариера. Токму затоа овој пат реши да го промени пристапот и да остави малку приватност за себе.

„Уживам во секоја секунда, на место со повеќе од 10 илјади спортисти, разменувајќи знаење, животни приказни и работи за спортот. Такво искуство не го добивате никаде на друго место“, изјави Новак пред три години.

 

 

 

 

View this post on Instagram

 

 

 

 

 

 

 

 

 

 

 

A post shared by Novak Djokovic (@djokernole)

Во Јапонија беше една од најпопуларните ѕвезди во селото, а спортисти од различни земји и дисциплини го бараа за да се сликаат со него или да добијат совет. На претходните Олимписки игри, во Рио де Жанеиро 2016, го направи истото што ќе го направи сега во Париз. Поради желбата да го доживее животот во олимпиското село, во Токио беше со останатите спортисти. Таму, логично, привлече големо внимание, па често беше во очите на јавноста, а овој пат, изгледа, повторно сака поголема приватност.

Патем, олимпиското село се простира на 54 хектари и се наоѓа северно од Париз, ќе биде домаќин на најмалку 14.500 олимпијци и помошен персонал. По Игрите, селото ќе се трансформира во еколошка населба од која ќе имаат корист 6.000 жители и ќе вклучува две училишта, хотел, јавен парк, пазари и уредени површини за пешаци и немоторни возила.