ФФМ ги одреди цените на билетите кои од денеска се во продажба за долгочекуваниот спектакл, односно гостувањето во Скопје на фудбалскиот колос Германија.
Од денеска започна продажбата на билети за квалификацискиот натпревар за пласман на Мундијалот 2022 во Катар во рамките на групата Ј од зоната на УЕФА помеѓу Македонија и Германија кој ќе се одржи на 11 октомври со почеток од 20:45 часот на Националната Арена „Тоше Проески“ во Скопје.
Согласно ковид-мерките наметнати од страна на Министерството за здравство, капацитетот на Арената ќе биде 50%, односно 16.290 гледачи (вклучувајчќи ја и ВИП ложата и местата за лица со инвалидитет).
Ценовник:
- 100 денари: Запад
- 300 денари: Југ (блокови 1, 2, 5, 6)
- 300 денари: Север (блокови 13, 18, 19, 24)
- 500 денари: Југ и Север централни блокови
- Исток е резервиран за гостински навивачи.
Билетарата на Арената ќе биде отворена за физичка продажба на влезници на 9, 10 и 11 октомври во периодот од 10:00 до 18:00 часот. Едно лице ќе може да купи најмногу 4 билети со приложен документ за идентификација.
ВАЖНА напомена: Согласно официјалната одлука на Владата на натпреварите е дозволено присуство единствено со приложување на еден од следните документи:
- потврда за вакцинација против COVID-19;
- потврда за прележан COVID-19 во последните 45 дена, сметајќи од денот на оздравувањето.
Мерките не се однесуваат на лица под 18 годишна возраст.
Освен онлајн преку веб-страницата на MkTickets, билетите можат да се набават и на следниве локации ширум државава:
Скопје:
- ЛитератураМК Super Store – City Mall
- ЛитератураМК – Буњаковец
- ЛитератураМК – Веро Центар
- ЛитератураМК – ул. „Македонија“
- ЛитератураМК – ГТЦ приземје
- ЛитератураМК – Ramstore Mall
- Макпетрол – Козле
- Макпетрол – Порта Влае
- Макпетрол – ул. „Илинденска“
- Југотон – ГТЦ 1
Битола:
- ЛитератураМК
Велес:
- Унисон
Гостивар:
- Тобако Вона Пет
Куманово:
- Тобако Агора
Охрид:
- ТА Вис Пој
Прилеп:
- ТА Бран
Тетово:
- Гранд Тобако
- Тобако Монако
Несфатливо е како фудбалските навивачи од југоисточните краеви на државава немаат можност како физички да купат билет. Во градови како Кавадарци, Струмица, Гевгелија, Штип и Кочани никаде не се продаваат билети. Проблематика на која ФФМ мора посериозно да поработи.
За потсетување, Македонија и Германија веќе се сретнаа во овие квалификации ога во март го шокиравме фудбалскиот свет со победата од 2:1 среде Дујсбург. Германците се желни за одмазда, но во Скопје гостуваат на празникот 11-ти Октомври, кој на натпреварот ќе му даде и симболика бидејќи тој ден во македонската историја го означува почетокот на Народноослободителната војна против нацистичките и фашистички окупатори Германија, Бугарија и Италија во Втората светска војна, па македонските фудбалери ќе имаат дополнителен мотив за нов добар резултат.
