Поединечни филмови се толку добро снимени, што обожавателите почнуваат да се плашат кога ќе слушнат дека се подготвува нивно продолжение, односно втор, па и трет дел од филмот. Често се случува продолжението да не биде ниту приближно добро како првиот дел од филмот.
Меѓутоа, има и такви продолженија кои се многу подобри од првиот дел, што во изминативе години се случуваше и во пракса.
Во Америка, како што пренесува „Independent“, спроведено е истражување токму за трилогиите, а резултатите се доста интересни.
На прво место се најдоа филмовите за „Indiana Jones“, на второ „Jurassic World: Fallen Kingdom“, а на третото место „Godfather“.
А доказ дека некогаш оригиналот е едноставно непобедлив е првобитната трилогија „Star Wars“ (Star Wars Episodes IV, V, VI), која доби двојно поголем број на гласови во споредба со следната трилогија „Star Wars“, која е снимена неколку години подоцна.
Што се однесува за најдобрите поединечни филмови во трилогиите, љубителите на американскиот филм открија дека многу го ценат првиот дел од „Jurassic Park“, кој го освои првото место со 38 отсто од гласовите.
Веднаш зад него, се најде и првиот дел од филмот „Back to the future“, кој освои 37 отсто од гласовите, како и „The Godfather“, со 34 отсто од гласовите.
Фановите не се воздржуваа ниту да ги оценат најлошите поединечни филмови во трилогиите, а според мислењето на 20 отсто од нив, убедливо најлош е „Man in black 3“. Веднаш зад овој филм на оваа неславна листа се најдоа и филмовите „Alien 3“ и „Back to the future 3“.
Интересно е тоа што иако публиката знае дека постои можност продолжението на некоја франшиза да биде големо разочарување, дури 67 отсто од испитаниците, рекле дека кога ќе слушнат дека некој филм ќе добие продолжение, едноставно и се радуваат на таа информација.
Ова е списокот од 20 најдобрите трилогии:
1.„Indiana Jones“
2. „Jurassic Park“
3. „The Godfather“
4. „Back to the Future“
5. „The Lord of the Rings“
6. „Die Hard“
7. „Pirates of the Caribbean“
8. „Star Wars“
9. „The Terminator“
10. „Toy Story“
11. „Home Alone“
12. „The Bourne“
13. „Iron Man“
14. „X-Man“
15. „The Matrix“
16. „The Hobbit“
17. „Alien“
18. „Batman“ (Christopher Nolan’s Batman Trilogy)
19. „Captain America“
20. „Mad Max“