Пред 13 години Калил Рафати бил бездомник, зависник од хероин, а потоа и затвореник. Денес е милионер и основач на SunLife Organics, бизнис што го има раширено на шест различни локации во Лос Анџелес, пишува Daily Mail.
Пред повеќе од една деценија Рафати имал едвај педесетина килограми и кожа покриена со чиреви. Сега е сопственик на продавници за здрави сокови. За само 5 години успеал да создаде бизнис империја за здрави пијалаци, за кои вели дека му го спасиле животот. Негови клиенти се дел од славните личности како Дејвид Духовни и фронтменот на Ред Хот Чили Пеперс, Ентони Киедис.
Во Лос Анџелес пристигнал од Охајо каде израснал, но бил сексуално злоставуван. Избегал од Охајо и започнал успешен бизнис со спортски автомобили, но наскоро почнал со марихуана, екстази и кетамин, а потоа пробал и хероин. Набргу станал зависник, а во 2001 година докторите му го спасиле животот откако се предозирал. Во 2003 година завршил во затвор, каде вели дека го допрел дното, а сето тоа е документирано во книгата „I Forgot to Die“.
Тогаш решил да го промени животот и да се посвети на здравиот стил на живеење. Со здравата исхрана, соковите и напивките се запознал преку еден пријател, а со 50.000 долари, пари што му ги дал професионален коцкар, започнал бизнис. Денес е успешен и вработува луѓе на кои им е потребна истата помош, луѓе кои биле како него пред 13 години.
