Германскиот автомобилски клуб за помош на пат (ADAC) добил 1.038 повици минатата година за украдени катализатори - значително повеќе отколку во претходните години.
Од здружението велат дека се погодени постари возила со бензински мотори каде што катализаторот е лесно достапен. Цел на крадците се скапите благородни метали како што се платината, паладиумот и родиумот во катализаторите.
Благородните метали се наоѓаат во секој катализатор. Додуша, само во многу мали количини - но носат и многу пари: килограм родиум, на пример, чини повеќе од 400.000 евра и е значително повреден од златото.
Во 2018 година, патролата на ADAC регистрирала 77 украдени катализатори, следната година 169, во 2020 година 420 украдени катализатори, во 2021 година 959.
Наводно, условите за крадење од постарите возила Astra, Prius и Polo се покажале како идеални, велат од ADAC. Кај поновите возила, катализаторот е монтиран блиску до моторот за побрзо да ја доведе до работна температура по палењето и е многу потешко да се отстрани.
Овие модели се особено погодени од кражби на катализатори:
VW Polo III (години на производство од 1994 до 2001)
Opel Astra G (од 1998 до 2005)
Toyota Prius III (од 2009 до 2016)
Mitsubishi Carisma (од 1995 до 2004)
Mitsubishi Space Wagon (од 1998 до 2002)
Seat Arosa
VW Lupo
Honda Jazz