Лингвистот, математичар и уметник Јакуб Мариан објави нова мапа, на која покажува колку се иселуваат жителните на земјите од Европа во други држави. Македонија е во врвот на листата на земји од кои најмногу жители се иселуваат, а во врвот се и некои од нашите соседни земји.
БиХ предничи на листата, па дури 43,3 проценти од босанците живеат надвор од државата, а втора на листата е Албанија со 38,8 проценти. Македонија се наоѓа на третото место со 24,8 проценти, а високи стапки на гастербајтери доаѓаат и од Португалија, Хрватска и Молдавија.
Податоците се од 2015 година, а направени се според информациите од Обединетите нации. Тие се однесуваат на тоа каде се родени луѓето, а не од каде им е државјанството. Мапата покажува колкав број луѓе емигрирале од одредени земји, во форма на процент од актуелната популација на тие држави.
Најмал степен на иселување имаат Шпанија - 2,7 проценти, Франција - 3,3 проценти, Шведска - 3,4 проценти и Норвешка - 3,7 проценти.
