Д-р Драган Тасевски, доктор специјалист вработен на Хирушкото одделение во Општата болница Куманово вчера починал од коронавирус.
Информацијата ја потврди и директорката на установата во која тој беше вработен, Снежана Захариева, која вели дека пред 10 дена со сериозна бронхопневмонија бил испратен директно на Инфективната клинка во Скопје, а оттаму и во Систина, пишува порталот Kumanovskimuabeti.mk.
„Се надевавме дека ќе ја добие битката со ковидот, но вчера добив информација дека е во исклучително тешка состојба. Пројавивме надеж дека можеби ќе се излечи од таа криза, но за жал попладнето ни стигна лоша вест дека починал колегата. Жал ми е изразувам сочувство до семејството, било кој да е вработен во институцијата за мене е навистина шок и трагедија ова што се случи, просто не верувавме кога ја добивме информацијата“, изјави Захариева.
Во овој момент на Одделението за хирушки болести во болницата нема други позитивни, ниту пак со симптоми на болеста.