Оралниот секс е прекрасна работа и за давање и за примање. И за двајцата партнери.
Како и сите други интимни чинови меѓу партнерите, треба да се заснова на меѓусебна доверба и да се препуштите на задоволствата.
Во потрага по најдобрите совети за подобар сексуален живот кои можеме да ги споделиме со вас, наидовме на овој одличен текст на Ана Бреслоу за Glamour. Ана решила да направи мало истражување меѓу нејзините пријатели и да ги сумира нивните одговори за тоа што сакаат од оралниот секс, што очекуваат и што им пречи.
Од сите одговори, таа ги состави овие „златни правила“ за незаборавен орален секс во кој ќе уживаат и мажите и нивните партнерки. Секако, да не заборавиме дека секој пар и секоја личност е посебна приказна и никој не би требало да прави нешто што не сака или што не му е пријатно или удобно. За да биде уживањето заемно, разговарајте за тоа што е „дозволено“ и „забрането“ и за двајцата.
Ова се „правилата“ од машки агол:
Одвреме-навреме погледнете во партнерот додека орално го задоволувате. Многу е секси. Ама навистина повремено, не зјапајте. Ако воопшто не ги отворате очите или не погледнувате во насока на неговото лице може да делувате ладно и дистанцирано, а интимноста е многу важна.
Да, повеќето мажи би сакале партнерката да може да изведе орален секс „до крај“, но ако не можете, не форсирајте. Одете онолку длабоко колку што вашата физиономија и вештини ви дозволуваат и најважно од сѐ – уживајте!
Апсолутната тишина при орален секс не само што е невозможна, исто така е непосакувана. Звуци на „шлапкање“, длабоко земање воздух, па и по некоја воздишка и стенкање се повеќе од добредојдени, сѐ додека тоа ви доаѓа природно.
Не се плашете ако ситуацијата стане премногу лизгава (и лигава). Оралниот секс не мора да биде уреден, треба да биде уживање онака како што на вас двајцата ви е удобно.
Повеќето „испитаници“ биле децидни дека во оралниот секс не спаѓа само игра со пенисот, туку и со тестисите. Исто така, не се плашете да ги испитате сите делови и површини на пенисот со врвот на јазикот.
Додека уживаат во оралниот секс, многу мажи сакаат да ја допираат партнерката. Тоа не го прават за да ви ја срушат концентрацијата, туку за да се чувствуваат поблиски до вас и да учествуваат во „акцијата“.
Оралниот секс може да ги зацврсти блискоста и интимноста меѓу партнерите, но ако едниот од партнерите не ужива во тоа, секој обид за наметнување на овој вид на интимност може да се доживее како притисок и да ја загрози врската.
Разговорот во ваков случај може да помогне. Ако сте загрижени за хигиената, мирисот, вкусот или што било друго во врска со оралниот секс, отворениот разговор е најдобро решение. Исто така, ако не сте сигурни што треба да правите, разговарајте, опуштете се и едноставно, пробајте.
Ако оралниот секс дефинитивно не ве привлекува, никому ништо, ако партнерот навистина ве сака и сака да биде со вас, тоа не би требало да претставува проблем. Најважно е, за ова, како и за сите други теми што ве засегаат во врската, отворено да разговарате.
Оралниот секс е чест избор за интимен однос кај тинејџерите, сметајќи дека на тој начин се заштитени од непланирана безбедност и тоа не го сметаат за „вистински секс“.
Не заборавајте дека оралниот секс не значи гарантирано безбеден секс. Иако ја нема опасноста од непланирана бременост, сепак постои висок ризик од заболување со сексуално преносливи болести, покрај ХПВ, како сифилис, гонореја, хепатит и други. Ако сте дијагностицирани со некоја од овие болести треба да го известите вашиот партнер пред да се впуштите во какви било сексуални односи, во врска или не.
Исто така, информирајте се за симптомите за сексуално преносливите болести и ако имате каков било сомнеж, подобро немојте да почнувате сексуална врска со таа личност.
