Авто новости

Од Mercedes ѝ се извинија на Кина поради цитат на Далај лама

12. февруари 2018 - 15:13 | М.Д.

Германскиот производител ги налути Кинезите откако употреби цитат на Далај лама, кои го сметаат за опасен сепаратист.

Извинувањето на Mercedes следеуваше после низата на негативни реакции од Кина на цитатот зборови од Далај лама во рекламата за новата Mercedes E Класа Coupe за 2018 година, која беше објавена на социјалните мрежи.

Имено, германската автомобилска компанија на својот меѓународен Instagram профил објави фотографија од својот нов модел со зборовите на тибетскиот духовен лидер: „Погледнете ја ситуацијата од сите агли и ќе станете поотворени“.

Иако кинеските власти ја блокираа оваа социјална мрежа во земјата, многу Кинези користат системи кои им овозможуваат да заобиколат такви и слични забрани, па бурно реагираа на објавата на Mercedes, кој најпрво ја повлече контроверзната фотографија, а потоа упати и јавно извинување.

Овој произведувач извинувањето го објави на својата официјална страница на кинеската социјална мрежа Weibo, соопштувајќи дека се свесни за цитатот на Далај Лама кој ги „повредил чувствата на кинескиот народ“.

„Ќе преземеме чекори за да ги разбудиме нашите разбирања кон кинеската култура и вредност, и за да ги стандардизираме нашите идни акции и да обезбедиме таков пропуст никогаш повеќе да не се повтори“, стои во официјалното соопштение на Mercedes.

Брзата реакција на Mercedes и јавното извинување не е некое изненадување, бидејќи произведувачот не сака да ја доведува во опасност својата репутација во Кина, која во последните неколку години стана најголем пазар за извоз на многу светски автомобилски компании.

 

Коментирај