Новиот (и поголем) Coupe SUV на BMW доаѓа со поголема моќност и повеќе техника, а на купувачите најверојатно ќе им се допадне можноста за осветлување на маската на ладилникот на новиот X6.
Занован на платформата по која беше правен и визуелно поконвенционалниот модел X5, новиот BMW X6 ќе се нуди во комбинација со два бензински и два дизел мотори.
Основниот бензински трилитарски шестцилиндарски мотор е задолжен за моќноста на моделот X6 xDrive40i, а моторот носи 340 коњски сили и максимален вртежен момент од 450 Nm.
X6 xDrive40i од 0 до 100 км/ч забрзува за 5,5 секунди и развива 250 км/ч.
Зад ознаката X6 M50i се крие значително помоќна бензинска верзија што ја движи 4,4-литарски V8 мотор со моќност од 530 коњски сили и максимален вртежен момент од 750 Nm.
Тоа е доволно моделот што има опција да влече приколка од 3.265 килограми да постигне забрзување од 0 до 100 км/ч за 4,3 секунди и да развие (електронски ограничени) 250 км/ч.
За купувачите од Европа кои се љубители на дизел тука се верзиите xDrive30d и M50d.
Послабата дизел опција за X6 има трилитарски шестцилиндарски мотор што развива 265 кс и максимален вртежен момент од 620 Nm.
Зад ознаката M50d со иста конфигурација на моторот, BMW нуди 400 кс и максимален вртежен момент од 760 Nm.
BMW ќе го произведува новиот X6 во фабриката во САД.
Цената на основниот модел за тамошните купувачи ќе изнесува 64.300 долари, а цените за Европа уште не се објавени.