Скопје, 17 февруари 2020 (МИА) – Времето утре ќе биде претежно сончево и релативно топло со слаб до умерен северен ветер.
Во среда облачноста ќе се зголеми, а под влијание на влажен бран во текот на ноќта и во четврток ќе има врнежи од дожд, на планините од снег. Врнежите повремено ќе преминуваат во снег и на некои повисоки места. Ќе дува умерен до засилен северен ветер, а дневната температура ќе опадне.
Како што соопшти УХМР, во среда утринската температура ќе биде од минус три до пет, а дневната од 9 до 16 степени.
Слично време ќе има и наредните денови. Во недела утринската температура ќе биде од минус седум до еден, а дневната од 10 до 18 степени.
