Оваа година замрзнатото езеро Винипесоки поради суровата зима на североистокот на САД беше претворено во писта за слетување авиони, соопштија властите во американската сојузна држава Њу Хемпшир.
Езерото долго околу 800 метри може да послужи како писта под услов мразот да е дебел најмалку 30 сантиметри, изјави неименуван службеник на единствениот леден аеродром што има дозвола од Федералната управа за воздухопловство на САД.
Замрзнатото езеро се користи само ако дебелината на мразот е рамномерно 30 сантиметри.
Дебелината на мразот на езерото минатиот викенд беше 50 сантиметри, па ледениот аеродром беше отворен за слетување на авиони.
Погледнете како изгледа слетување на оваа уникатна писта: