Од Звезда урлаат по судијата за кражбата против Милан: Ова беше вооружен грабеж

Фудбалерите на Црвена звезда загубија од Милан на „Меаца“ со 2:1 во 6. коло од Лигата на шампионите, а по натпреварот збеснаа поради судењето на шпанскиот судија Хесус Хил Мансано.

Шпанецот не досуди прекршок пред корнерот по кој падна победничкиот гол во 89-тата минута, но и потоа, непосредно пред Теми Ејбрахам да го постигне вториот гол.

Очигледно е дека Ејбрахам направи прекршок во дуел со играч на Звезда, а потоа Габиа го турна капитенот Спајиќ на гол-линијата, но залуден беше и прегледот на ВАР.

Тренерот на белграѓаните, Владан Милојевиќ, грмеше по натпреварот.

„Тој пенал во Монако, скандал и срам... Ова денес, нема да зборувам, вооружен грабеж... Дојдовме овде да играме во Лигата на шампионите, ќе ви кажам што мислам. Ние сме голем клуб, српскиот народ е голем, нека си ја направат таа затворена лига, нека се веселат. Ако е ова Лига на шампиони, ако на ваков начин треба да победи Милан, тоа е грозно. Не сме ни почнале да играме Лига на шампиони, а нашите навивачи веќе не можеа да патуваат. Тоа не е за мене, но морав да го кажам“, изјави Милојевиќ за РТС по натпреварот.

Тој вели дека не случајно Мансано го судел и претходниот дуел на овие две екипи во Лига Европа.

„Не знам што да кажам. До сега не зборував, спортист сум, поминав многу, но молчев и многу страдав. Ова денес е невидено, срамота за Лигата на шампионите. На ваков начин... Од почеток на Лигата на шампионите имаат бнекој проблем со нас. Ова денес не е за коментар, чист фаул. Истиот судија, кој овде пред некое време направи нешто слично. Не знам што очекуваа, Звезда која ќе прими 4-5 голови. Сега ќе ви кажам за прв пат, класичен пенал не беше досуден во Монако“, изјави Милојевиќ, на крајот алудирајчи на натпреварот кој Црвена звезда го загуби со 5:1 од Монако во рамките на третото коло.

Звезда остана на само 3 бода на табелата, а во преостанатите две кола ќе го пречека ПСВ и ќе му гостува на Јанг Бојс.