Ѕидовите во боја може да го освежат просторот, но главниот проблем е кои бои да ги одберете и како да ги искомбинирате. Ако не сте сигурни што ќе ви одговара со нашиот мебел или се двоумите помеѓу неколку различни нијанси, прочитајте ги овие совети според фенг шуи.
Фенг шуи (или фенг шуеј) е древен кинески систем кој синтетизира повеќе учења, вештини и техники, со цел човекот да се врати или да се задржи во допир со природата. Зборовите „фенг шуи“ буквално би се превеле како „воздух-вода“ на македонски.
Во модерното живеење, фенг шуи се толкува како праксата на уредување на предметите во просторот со цел да им помогне на луѓето да ги постигнат своите цели.
Според фенг шуи, просторот во кој живееме треба да биде прозрачен, уреден во светли бои, со удобен мебел.
Зелена: смирува, поттикнува креативност, симбол за надеж и смиреност.
Црвена: го зголемува апетитот, го покренува метаболизмот, дава енергија, но може да предизвика и нервоза.
Жолта: ја поттикнува комуникацијата, ги подобрува односите со околината, ги поттикнува луѓето да се опуштат.
Розова: смирува, опушта и симболизира безусловна љубов.
Кафеава: симболизира топлина, мир.
Бела: симболизира чистота и едноставност.
Сина: смирува и поттикнува на размислување и учење.
Црна: треба да ја употребувате внимателно и во детали. Ве поттикнува да размислување, но и го затвора просторот.
