Македонската машка одбојкарска репрезентација загуби од Египет со 3:0 во сетови, а со истиот резултат женската репрезентација претрпе пораз од Тунис на Медитеранските игри во алжирскиот град Оран.
Египет првите два сета ги доби со тесни и идентични 25:23, додека во третиот славеше со 25:20 за убедлива победа од 3:0 на стартот од Медитеранските игри. Капитенот Никола Ѓорѓиев со 22 поена беше најефикасен во редовите на „Црвено-жолтите“, кои сè уште немаат победа на Медитеранските игри.
Билансот од 0:3 во досегашните настапи македонските одбојкари можат да го подобрат утре против Италија од 10 часот наутро. За да поминат во наредната фаза, одбојкарите ќе мора да слават со максимални 3:0 над силната Италија, што практично невозможна мисија. Претходно „Аѕурите“ го декласираа Египет со 3:0 (25:14, 25:20 и 25:20).
По вчерашниот пораз од Египет од 3:0, македонските одбојкарки, пак, попладнево со истиот резултат загубија од Тунис (20:25, 11:25 и 21:25). Противник во утрешното трето коло ќе им биде репрезентацијата на Грција (13 часот).