Во вториот квалификациски натпревар македонската репрезентација не одигра на ниво и забележа пораз од фаворитот Турција.
Македонските одбојкари одиграа одлично само во вториот сет кој со фуриозна игра го добија за израмнување на 1:1 (25:18), но немаа сили да продолжат во исто темпо и ги загубија наредните два убедливо (25:18 и 25:12).
Турците премногу лесно доаѓаа до поени, блокираа, спасуваа топки и на крајот заслужено победија со 3:1.
Нема одмор за одбојкарите бидејќи веќе утре повторно играме со Босна и Херцеговина, исто од 18 часот.
Моментален пласман:
- Турција 6 (6:1)
- Македонија 3 (4:4)
- Босна и Херцеговина 0 (1:6)
Првопласираната репрезентација директно ќе се пласира на Европското првенство, додека петте најдобри второпласирани од седумте групи исто така ќе се најдат на завршницата.