Голманот на Аталанта, Марко Карнесеки, е најзаслужниот што Јувентус освои само бод во дербито од 19. коло во Серија А, а неговата интервенција во вториот дел од натпреварот влегува во конкуренција на најдобрите сезонава.

Јувентус имаше голема гостинска победа во свои раце. „Старата дама“ имаше предност со голот на Пјер Калулу на почетокот на вториот дел, а потоа брилираше со играта во преостанатиот дел од натпреварот.
Сепак, неверојатниот голман Карнесеки имаше 8 одбрани и им дозволи на бергамашите да останат во игра во текот на натпреварот. Тоа го искористи Матео Ретеги кој со гол во 78. минута ѝ донесе вреден бод на Аталанта која и понатаму има шампионски амбиции.
Но, ништо од ова немаше да биде возможно без една чудесна интервенција на Карнесеки. Голманот на Аталанта го спаси својот тим кога Јувентус водеше со 1:0.
Повторно Калулу беше на дофат на гол, а за да не биде двоен стрелец се потруди Карнесеки и буквално ја извади топката од гол.
Marco Carnesecchi (Atalanta) goal line clearance against Juventus
byu/Viriato181 insoccer
За среќа на Аталанта, тоа го направи додека топката беше само неколку милиметри на гол-линијата. Со помош на goal-line технологијата судијата Даниеле Довери утврди дека топката не влегла целосно во голот и Аталанта остана во игра.
Карнесеки ја собра целата слава по натпреварот, а насловните страници на италијанскиот печат беа исполнети со фотографии од неговите бравурозни одбрани од синоќа.
За Јувентус ова беше дури 13-то реми во 20 одиграни натпревари во Серија А сезонава и сѐ уште е непоразен, но е само на 5-тото место. Од друга страна, Аталанта е на третата позиција со четири бодови помалку од лидерот Наполи.