Аргентинската трета фудбалска лига е извор на последната необична сцена од јужноамериканскиот континент. Во натпреварот помеѓу Хувентуд Унида и Дефенсореса Белграно се појави неочекуван херој – куче кое истрча на теренот.
Домашниот тим победи со резултат 3:0, но победата можеше да биде уште поубедлива доколку малиот влакнест „голман“ не интервенираше пред голот на Дефенсореса Белграно.
Голманот на Хувентуд се обиде да ја дегажира топката и притоа го погоди противничкиот играч во грб. Топката веќе одеше во голот и баш во моментот кога сите веќе ја видоа во мрежата, се појави кучето кое на самата гол-линија успеа да го спаси гостинскиот тим од дополнителен срам.
Според правилата на фудбалската игра, натпреварот продолжи со судиско потфрлање на линијата на петерецот, но домашната екипа не успеа да постигне четврт погодок. А баш кога некој ќе помисли дека кучето не е најдобар пријател на човекот...
