Одбраната на „Монструм” ќе поднесе крвична пријава против вештакот Снежана Николовска

Одбраната на обвинетите во случајот „Монструм” ќе поднесе кривична пријава против вештакот Снежана Николовска, поради, според нив, фалсификување на вештачењето на земјата од Смилковско Езеро и Враживир.

Ова го најави адвокатот Насер Рауфи, по завршување на денешното рочиште за „Монструм“, кој уште додаде дека нивниот став оти случајот е монтиран е потврден со денешниот исказ на сведокот Николовска дека ова вештачење е фалсификувано.

– Самиот вештак Снежана Николовски призна дека државата нема метода да прави анализа на земјата, која е една многу тешка анализа. Таа призна дека при вештачењето го има употребено само методот на компарација, односно само бојата на земјата од Смилковско Езеро и Враживир. И на нашите прашања, но и на прашања на Обвинителството таа призна дека го има фалсификувано нејзиниот извештај, односно нема направено анализа на елементите на земјата. За овој фалсификат како одбрана ќе поднесеме кривична пријава против овој вештак. Ова е пети пат што сведочи овој вештак и секој извештај беше различен и ова беше нашиот сомнеж, односно ова произлезе од сведочењата на експертите на МВР, изјави Рауфи.

Тој, исто така, посочи дека зад „овој фалсфикат“ не стои вештакот Николовска, туку дека има наредба, иако сведокот Николовска, во своето сведочење рече дека нема такво нешто. Одбраната на обвинетите во случајот „Монструм” мисли дека во кривичната постапка што ќе биде покренета против вештакот ќе се дознае и кој дал наредба за „ваков фалсификат“.

Од друга страна адвокатот на оштетените семејства во судскиот предмет за Смилковско Езеро, Дафинка Ивановска, истакна дека вештакот (сведокот) Николовска, ги кажала методите, но не кажала дека всушност таа земја не припаѓа од тие места од кои што анализирала.

– Сведокот кажа дека сè што имала го завршила на таков начин како сметала дека треба и по  најсовремени методи. Имале и обуки, била со лиценца и е завршено на начин кој е потребен за да утврди од каде потекнува таа земја. Таа беше категорична дека тоа што го направила и таа земја што е подигната од страна на увидна екипа, и таа дополнителната што е подигната произлегува од местата што се поврзани со кривично правниот настан, рече адвокатката Ивановска.

При денешното сведочење вештакот Николовска, по прашање на обвинителката Фетаи, рече дека во вештачењето на земјата од Смилковско Езеро и Враживир има неточни податоци.

– Елементарниот состав на земјата и гранулатот се вишок, јас ги ставив, рече Николовска, по што следеше прашање на обвинителката Фатиме Фетаи дали е свесна дека ова е лажен документ и по чија наредба го направила тоа. – Не е по никоја наредба. Немам објаснување, рече вештакот Николовска.

Следното рочиште случајот „Монструм” e закажано за 16 октомври, каде е предвидено да се презентираат докази од одбраната.

Случајот за овој предмет го води судијата Огнен Ставрев, а застапник на обвинението е обвинителката Фатиме Фетаи. 

реклама

Зошто авионите не летаат преку Тихиот Океан?

Read more

Најнезаборавните пенали во поновата фудбалска историја

Read more

Десет бизарни предмети од Земјата што сега лебдат во вселената

Read more

Зошто зажалив што ја изгледав цела сезона на „Emily in Paris“?

Read more

Хроника

Најдено починато лице во Затвор Скопје

Read more

Физичка пресметка помеѓу кичевци, eдниот заврши во Ургентен

Read more

Претрес во Кочани, расчистени 11 тешки кражби

Read more

Прегазен пешак во Скопје

Read more

Вести

Најдено починато лице во Затвор Скопје

Читај повеќе

Филипче: Мерките за заштита од COVID-19 кои се во Собранието итно да се донесат

Читај повеќе

Преку партнерството на Httpool со Spotify, брендовите ќе можат да им се обратат на љубителите на музиката

Читај повеќе

Физичка пресметка помеѓу кичевци, eдниот заврши во Ургентен

Читај повеќе

Заев: Има сериозни аргументаци за носењето маски на отворено

Читај повеќе

Заев: Бугарија не бара промена на Уставот

Читај повеќе

Половина од новозаразените се од Скопје, најголемиот дел се од 30 до 39 години

Читај повеќе

Претрес во Кочани, расчистени 11 тешки кражби

Читај повеќе

Познат начинот на оценување во услови на пандемија, првите оценки за учениците до 20 ноември

Читај повеќе