Русија ќе протера 23 британски дипломати како одговор на одлуката на Лондон да протера исто толку руски дипломати.
Лондон ги протера руските дипломати како реакција на обвинението дека Москва стои зад нападот врз поранешниот шпиун Сергеј Скрипаљ и неговата ќерка.
Москва ги прогласи британските дипломати за „персони нон грата“.
Поради диспаритетот во бројот на конзуларни одделенија, ќе биде затворено Конзуларното одделение во Санкт Петербург, а поради нерегулиран статус ќе биде затворен и Британскиот совет во Русија.
Руското Министерство за надворешни работи претходно го повика британскиот амбасадор на Велика Британија во Москва Лори Бристоу да дојде на разговор.
Амбасадорот беше повикан на разговор поради тензиите мѓу Русија и Британија што настанаа по труењето на поранешниот руски шпиун Сергеј Скрипаљ и неговата ќерка Јулија во Англија пред две недели.
Британското Министерство за надворешни работи го обвини рускиот претседател Владимир Путин дека лично го наредил труењето, обвинување што портпаролот на Путин го негираше.