На месец и некој ден до првиот натпревар на Македонија на ЕУРО излезе и официјалната песна со видео-запис за историскиот настап на континенталниот собир.
🎶„Одиме на Европско првенство,
таму ни е место
Одиме на Европско првенство,
сонот наш од детство...“🎶
таму ни е место
Одиме на Европско првенство,
сонот наш од детство...“🎶
Во изведба на бендот „ВИС Рисови“, специјално создаден за изведба на оваа нумера и во состав Саше Љолес, Пеце Суперхикс, Никола Бочваров, Танче Гроздановски и Слободан Хаџи-Илиев, македонската фудбалска репрезентација доби одлична мотивациска песна за претстојниот деби настап на ЕУРО.
Во спотот, кој е снимен на различни локации низ Македонија, се појавуваат и Игор Стефановски - Иџе и Катарина Ивановска.
Македонија својот прв натпревар на ЕУРО 2020 го има на 14 јуни против Австрија во Букурешт, а дотогаш ќе ечи новата химна.