Во Мадрид вечерва ќе се одигра вториот натпревар од финалето на Копа Либертадорес меѓу Ривер Плата и Бока Јуниорс.
Десетина илјади навивачи и на двата клуба од рано утрово се на улиците на главниот град на Шпанија и овојпат нема шанси да се случи инцидент, со оглед на тоа дека има силно полициско обезбедување на плоштадите каде се сместени навивачите на клубовите.
Атмосферата и во двата навивачки табори е на високо ниво и околу 70.000 среќни фанови ќе имаат можност да присуствуваат во живо на најверојатно најголемиот натпревар во Суперкласико досега.
Средбата почнува во 20 часот и 30 минути на стадионот „Сантијаго Бернабеу“.
Првата средба на „Бонбониера“ заврши со резултат 2:2, а реваншот на „Монументал“ беше одложуван два пати поради нападот на навивачите на Ривер врз автобусот со играчите на Бока.
