Одличната партија на Јокиќ во сенка на неговиот најголем МВП конкурент

Денвер Нагетс ноќеска остварија убедлива победа над Њу Орлеанс Пеликанс од 144:119, со што поставија сезонски рекорд по поени и ја продолжија серијата порази на Пеликанс на 7 натпревари.

Мајкл Портер Џуниор се истакна со 39 поени и 12 скокови, а Никола Јокиќ додаде 38 поени и 10 асистенции. Крисчн Браун постигна 23 поени, Арон Гордон запиша 12 асистенции, а Џамал ​​Мареј и Џулијан Стротер постигнаа по 10 поени за Денвер.

Кај Пеликанс најефикасен беше Зајон Вилиамсон со 28 поени, додека Треј Марфи III додаде 25 поени и 9 асистенции.

Минесота Тимбервулфс на домашен терен го совлада Чикаго Булс со 127:108.

Ентони Едвардс беше феноменален со 49 поени и 9 скокови, додека Наз Рид додаде 22 поена и 10 скокови. Руди Гобер имаше дабл-дабл со 10 поени и 15 скокови.

Кај Булс најефикасен беше Коби Вајт со 20 поени, а Џош Гиди додаде 19, додека Никола Вучевиќ забележа дабл-дабл со 10 поени и 11 скокови.

Конечно, Оклахома Сити Тандер го совлада Феникс Санс со 140:109.

Шеј Гилџс-Александер повторно се истакна, постигнувајќи 50 поени, што е негов трет учинок од 50 поени во последните 7 натпревари и му донесе на Јокиќ опасен предизвик во трката за МВП.

Од друга страна, Феникс Санс играа без Кевин Дурент поради повреда на зглобот и потенцијален трејд, што беше нивни 11-ти натпревар без него оваа сезона. Санс сега загубија три последователни натпревари и четири од последните пет.

Покрај Гилџс-Александер, кај Тандер се истакнаа Арон Вигинс со 17 поени и Џејлен Вилиамс со 13 поени. Бредли Бил ги предводеше Санс со 25 поени, додека Девин Букер додаде 19.

Резултати:

Атланта Хокс - Сан Антонио Спарс 125:126
Шарлот Хорнетс - Милвоки Бакс 102:112
Детроит Пистонс - Кливленд Кавалирс 115:118
Бруклин Нетс - Вашингтон Визардс 102:119
Филаделфија 76ерс - Мајами Хит 101:108
Торонто Репторс - Мемфис Гризлис 107:138
Минесота Тимбервулфс - Чикаго Булс 127:108
Денвер Нагетс - Њу Орлеанс Пеликанс 144:119
Јута Џез - Голден Стејт Вориорс 131:128
Оклахома Сити Тандер - Феникс Санс 140:109
Сакраменто Кингс - Орландо Меџик 111:130

Табела: