Одложени се денешните пет натпревари од 19-то коло во Првата македонска фудбалска лига поради обилните врнежи од снег на територијата на целата држава, соопшти претпладнево Фудбалската федерација на Македонија.
Дуелите Борец – Шкупи, Ренова – Беласица, Вардар – Пелистер, Силекс – Шкендија и Струга – Македонија ЃП, што беа закажани за попладнево од 14 часот, ќе се одиграат идната недела во истиот термин.
Вториот дел од сезоната во 1.МФЛ започна вчера со натпреварот во кој Работнички триумфираше како гостин над Академија Пандев во Струмица со 1:0.