Денеска во просториите на ФФМ со жрепка беше одреден распоредот за новата натпреварувачка сезона во најдобрата македонска фудбалска лига.
Почетокот на сезоната е закажан за викендот 7 и 8 август од 17:30 часот. И оваа сезона македонската Прва лига ќе брои 12 екипи меѓу кои три се нови кои преку второлигашката конкуренција изборија пласмна во елитата. Тоа се Брегалница како победник на 2.МФЛ Исток, Скопје како победник на 2.МФЛ Запад и Тиквеш кој во баражот го изненади Силекс.
Академија Пандев - Струга
Работнички - Борец
Тиквеш - Шкендија
Ренова - Скопје
Брегалница - Шкупи
Македонија - Пелистер
Оваа сезона за најголеми кандидати за пехарот се актуелниот шампшион Шкендија и тимот на Шкупи. Тие прва меѓусебна пресметка ќе имаат во 6. коло и тоа во Тетово.
Бидејќи форматот е ист како и минатата сезона, тоа значи дека денешната жрепка ги одреди паровите за две третини од календарот, односно заклучно со 22. коло, додека од 23. до последното 33. коло паровите ќе бидат одредени по коплетирањето на 22. коло и согласно пласманот на табелата. Сезоната треба да заврши на 15 мај 2021.
Бидејќи Вардар за прв пат во својата историја ќе игра во втората лига, ќе се прекине и една традиција која траеше од сезоната 1998/99. Оттогаш непрекинато Вардар и Работнички го играа Дербито на Скопје, најстарото ривалство во фудбалска Македонија кое датира од 1947 година.
Со оглед на тоа што дозволено е присуство на публика на стадионите, се очекува вистински фудбалски спектакл во Кавадарци и Штип каде новите прволигаши во 1. коло ги пречекуваат фаворитите Шкендија и Шкупи. Кавадарчани после цели 16 години ќе гледаат прволигашки фудбал, додека амбициозните Штипјани после 4 години.
Целосниот распоред можете да го погледнете тука.