Можеби хит серијата „Преспав“ заврши, но тоа не значи дека нема и натаму да уживаме со нашите омилени ликови од пансионот.
„Кујната на пансионот станува Кујната на Марио. Што не е јасно!?“, кратко само објавија од пансионот заедно со трејлерот.
Станува збор за кулинарско шоу кое со емирување ќе започне на 29-ти овој месец во продукција на ОХО, а епизодите ќе се емитуваат на YouTube каналот на пансионот.
Останува да го дочекаме 29 април и Марио да нѐ научи некој рецепт. Само се надеваме дека нема да порачува храна и да ни мачка очи дека тој ја зготвил како што им правеше на гостите.
