Велат дека ќе биде еден од најдобрите мјузикли, а дали навистина ќе биде така ќе дознаеме наредниот месец.
„Tick, Tick... Boom!“ е драма мјузикл во режија на Лин-Мануел Миранда кој дебитира како режисер. Сценариото е на Стивен Левенсон напишано според полуавтобиографскиот мјузикл напишан од американскиот композитор Џонатан Ларсон кој како шоу го прикажал на Off-off-Broadway уште во 1990 година.
Во главната улога е Ендрју Гарфилд кој го глуми ликот на Џонатан Ларсон кој се наоѓа во средовечна криза откако е на чекор да наполни 30 годин и сѐ уште не го има остварено долгогодишниот сон, рок-мјузикл на кој работи со години. Глумат уште и Александра Шип, Робин де Хесус, Џошуа Хенри, Џудит Лајт и Венеса Хаџенс.
Својата премиера филмот ќе ја има на АФИ филмскиот фестивал на 10 ноември, два дена подоцна ќе биде прикажан во ограничен број на кина во САД бидејќи потоа ќе следува прикажувањето на платформата на Netflix на 19-ти.
