Конечно стигна трејлерот за продолжението на суперпопуларниот наслов на Netflix.
Четири години откако го решија првото мистериозно убиство, Ник и Одри Спиц (Адам Сендлер и Џенифер Анистон) се детективи „со сите нишани“, но се мачат да ја ја разработат нивната приватна детективска агенција.
Двајцата ќе добијат покана за свадбата на нивниот пријател, махараџата (Адил Ахтар), на неговиот приватен остров.
Но, неволјите почнуваат кога младоженецот ќе биде киднапиран за откуп набрзо откако ќе почнат свадбените активности, а тоа значи дека секој гламурозен гостин, член на семејството и невестата, се осомничени.
Во Murder Mystery 2 Ник и Одри го добиваат големиот случај што може да им помогне да остварат две нешта за кои сонуваат: да ја разработат приватната агенција и да отпатуваат во Париз.
Филмот е во режија на Џереми Гарелик, а во останатите улоги играат: Марк Стронг, Мелани Лоран, Џоди Тарнер-Смит, Куху Верма, Џон Кани иу Дени Бун.
Премиерата е закажана за 31 март, само на Netflix.
