Селекторите Игор Ангеловски и Владимир Вајс ги открија почетните единаесеттемина за вечерашната пресметка во рамките на 4. коло од Групата 2 од Лига Ц во Лигата на нации.
Ангеловски се реши да стартува со: на голот стандардниот Столе Димитриевски; во одбраната со триото Кире Ристевски, Дарко Велковски и Ѓоко Зајков; по страничните позиции Џани Алиоски лево и Стефан Ристовски десно; во средниот ред Бобан Николов и Тихомир Костадинов; додека во нападот триото Горан Пандев, Иван Тричковски и најистурениот Илија Несторовски.
Словачкиот селектор Вајс, кој ја предводи Грузија, се одлучи за: Гиорги Лорија помеѓу стативите; Лаша Двали, Џемал Табидзе, Соломон Квирквелија и Џаба Џигаури во одбраната; Ника Квеквескири и Муртаз Даушвили во средината, Валеријан Гвилија и Отар Китеишвили како крила; Валери Казаишвили како треквартиста; Гиорги Квилитаија во нападот.
Натпреварот почнува од 20:45 часот на Националната Арена „Тоше Проески“ во Скопје, правдата ќе ја дели Полјакот Бартош Франковски, а директен пренос ќе има на SportKlub 1.