Селекторот Благоја Милевски се одлучи со формација 4-2-3-1 да истрча вечерва на квалификацискиот натпревар на „Рајнпарк“ стадионот во Вадуц.
На голот е стандардниот Столе Димитриевски; во одбраната лево е Кире Ристевски, десно изненадувачки Дарко Чурлинов, кој обично игра понапред, а како централни бекови се Дарко Велковски и капитенот Стефан Ристовски; во средниот ред повратникот Аријан Адеми и Стефан Спировски; во офанзивната средина лево е Џани Алиоски, десно Елиф Елмас со Александар Трајковски како трекуартиста, додека истурен во нападот е Милан Ристовски.
Во комбинација за овој натпревар не се суспендираните Висар Муслиу и Тихомир Костадинов.
Со оглед на одредените отсуства, вклучително и повредениот Енис Барди, во моментов ова е најсилниот тим кој на располагање го има репрезентацијата на Македонија.
Кај домаќинот, сеслекторот Мартин Штоклаза се одлучи за Бени Бихел помеѓу стативите; во одбраната Максимилиан Гепел, Јенс Хофер, Даниел Кауфман, Андреас Малин и Сандро Волдингер; во средината капитенот Николас Хаслер, Фабио Волфингер и Арон Зеле; во нападот Ноа Фрик и Јаник Фрик.
Натпреварот ќе го суди полскиот арбитар Бартош Франковски, а ќе му помагаат сонародниците Марчин Боњек и Јакуб Винклер, додека четврти судија е Кжиштоф Јакубик. И во ВАР собата се Полјаци и тоа Павеу Рачковски и неговиот помошник Кжиштоф Мирмус.
Директен пренос од 20:45 часот ќе врши Sportklub 3.
