Тотенхем сопшти дека Гарет Бејл официјално е примен на позајмица во клубот, седум години откако Велшанецот си замина од Лондон.
Бејл изминатите седум години играше за Реал Мадрид кој во 2013 година го купи за 100,8 милиони долари, а од денеска пак ќе го носи дресот на клубот со кој се прослави.
По четири освоени титули во ЛШ во кои беше еден од клучните играчи, Бејл падна во немилост на тренерот Зинедин Зидан и дојде време да се разделат.
Тотенхем немаа пари за трансфер, а „Кралскиот клуб“ сакаше да се реши од Велшанецот по секоја цена, па на крај падна договор за позајмица.
Британски The Sun објави дека Тотенхем се договорил со Реал за остатокот од големата плата на Бејл која ќе ја преземе, како и прилично евтината отштета од 13 милиони евра за едногодишната позајмица.
Ако сѐ помине како што треба, позајмицата би можело да се продолжи на две години, односно до истекувањето на договорот на Бејл со мадридскиот клуб.