Швајцарскиот тенисер Роџер Федерер ќе го одигра последниот професионален меч во кариерата во двојки со Рафаел Надал на Лејвер купот.
Објавен е распоредот за првиот ден од турнирот во Лондон, а тогаш европско дуо ќе игра со Џек Сок и Френсис Тиафо. Тој меч ќе се игра од 19 часот кога на терен ќе излезе Енди Мареј против Алекс Де Минаур. Пред тие натпревари се играат оние од 13 часот. Во нив честа на Европа ќе ја бранат Каспер Руд и Стефанос Циципас, а противници ќе им бидат споменатиот Џек Сок, односно Диего Шварцман кој ќе игра против грчкиот тенисер.
Кога станува збор за Федерер, швајцарскиот тенисер веќе најави крај, а сега само што добивме и официјална потврда за неговите зборови.
„Јасно е дека најубавото нешто би било тука да играме двојки со Надал, бидејќи тоа беше навистина големо ривалство“, изјави Швајцарецот и истакна дека е има трема бидејќи долго време не играл.
Тој откри и зошто избрал да се збогува со белиот спорт во Лондон.
„Лејвер купот ќе биде мојот последен турнир. Чувството е добро. Мислам дека тоа е прекрасно место. Ќе го имам Бјорн Борг за капитен, можете да замислите колку ми значи тоа. Навистина е посебно да се прави сето ова овде во Лондон, градот во кој освоив два финални мастерси и осум Вимблдони.“
