Антонио Конте и официјално е нов тренер на Наполи. Преговорите, кои траеја повеќе од една недела, завршија. Тренерот и клубот постигнаа договор за 3-годишен договор вреден 6 милиони евра по сезона плус бонуси кои се однесуваат на постигнатите резултати на тимот, вклучително и квалификување за Лигата на шампионите и евентуалното освојување на Скудетото.

Двете страни решително се зближија откако последниве денови Џам Пјеро Гасперини, другиот кандидат на врвот на желбите на Аурелио Де Лаурентис, одбра да остане во Бергамо водејќи ја Аталанта, која во август ќе игра во Суперкупот на УЕФА против Реал Мадрид.
Профилот на Конте изгледаше најпогоден за итно искачување на Наполи на врвот во Серија А, по разочарувачкото 10-то место изминатава сезона и неквалификувањето во Европа. Така, според преференциите Контре ги надмина и Стефано Пиоли и Винченцо Италиано, како и останатите кандидати.
Benvenuto Antonio! pic.twitter.com/HHtEkixxb3
— AurelioDeLaurentiis (@ADeLaurentiis) June 5, 2024
Родум од Лече, Конте како играч покрај клубот од родното место играше само уште за Јувентус. Како тренер се калеше во Арецо, Бари, Аталанта и Сиена пред да се прослави во Јуве. Беше и селектор на Италија, па ги водеше Челси, Интер и последно Тотенхем од каде си замина кон крајот на март 2023 година.